Իսրայելի ավելի քան 50 կործանիչներ հարվածել են Թեհրանում գտնվող թիրախներին, այդ թվում՝ ուրանի հարստացման համար ցենտրիֆուգներ արտադրող գործարանին։ Այս մասին հայտարարել է Իսրայելի պաշտպանության ուժերը։
Նշվում է, որ Իրանի միջուկային զենքի ծրագրին վնաս հասցնելու ջանքերի շրջանակներում հարձակման է ենթարկվել Թեհրանի ցենտրիֆուգների արտադրության օբյեկտը։ Ցենտրիֆուգների արտադրությունը կօգնի Իրանին ընդլայնել ուրանի հարստացման մասշտաբները և տեմպը՝ միջուկային զենք մշակելու նպատակով։
Իրանը հարստացնում է միջուկային զենքի մշակման համար նախատեսված ուրան։ Քաղաքացիական օգտագործման համար միջուկային մշակումը չի պահանջում հարստացում այս մակարդակներում, ընդգծել է IDF-ն։ Զանգվածային հարձակումները թիրախավորել են մի քանի զենքի արտադրության օբյեկտներ, այդ թվում՝ այն օբյեկտը, որը արտադրում է հումք և բաղադրիչներ՝ մակերես-մակերես հրթիռների հավաքման համար, որոնք Թեհրանը «արձակել և շարունակում է արձակել Իսրայելի պետության ուղղությամբ»։
