Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
Ֆեյսբուքյան մի քանի հանրաճանաչ ընկերներ թույլ չեն տա, որ ստեմ. անձնական նամակով դեռեւս Եկեղեցու կողմից «հրադադարը խախտելու» օրն եմ կարծիք հայտնել, որ «պատերազմի վերաբորբոքումը» մի նպատակ է հետապնդում՝ հասնել Նիկոլ Փաշինյան- Ռեջեփ Էրդողան հանդիպման ձախողմանը: Ռուսաստանցի քաղտեխնոլոգների, քարոզիչների եւ վերլուծաբանների «հայաստանանվիրյալ» վակխանալիան եկավ հաստատելու ենթադրությունս:
Ռուսաստանին, ըստ էության, իր կացնային քարոզչությունից զատ այլ թշնամի պետք չէ: Կամ Կրեմլն այնքան է թուլացած, որ նույնիսկ Հայաստանին է մրցակից համարում: Բայց ամեն դեպքում հավելյալ զգոնություն է պետք: Բոլորիս:
