ԱԺ «Հայաստան» խմբակցության պատգամավոր Ագնեսա Խամոյանը ՍԴ դատավորի թեկնածության քննարկման ժամանակ հիշեցրել է, որ Արտակ Զեյնալյանը 2011թ.-ից եղել է «Հանրապետություն» կուսակցության քաղխորհրդի անդամ և միայն վերջերս է դադարեցրել անդամակցությունը։ Նա թեկնածուին ներկայացնող արդարադատության նախարար Սրբուհի Գալյանից հետաքրքրվել է՝ մարդն, ով 25 տարի զբաղվել է ակտիվ կուսակցական գործունեությամբ, ՍԴ դատավոր ընտրվելու առթիվ կուսակցությունից դուրս գալուց հետո կարո՞ղ է դառնալ անկախ ու անաչառ։
Գալյանը նշել է, որ, որպես իրավաբան, պարտավոր է առաջնորդվել միայն օրենքով ու կարգավորումներով. նա նշել է, որ օրենքը նախկին կուսակցական լինելու հանգամանքն արգելք չի համարում. «Ինչ վերաբերում է հետագա վարքագծին, դրա պատասխանը ևս կա օրենքում, որովհետև տվյալ պաշտոնում նշանակված անձը պետք է լինի ապաքաղաքական ու առաջնորդվի օրենքով»։
