Հայաստանի Հանրապետության վարչապետ Նիկոլ Փաշինյանը Ստամբուլում հանդիպել է հայ համայնքի և հայկական մամուլի ներկայացուցիչների հետ Թուրքիայի նախագահ Էրդողանի հետ հանդիպումից առաջ:
Այս մասին հայտնել է Agos-ը՝ ընդգծելով՝ Փաշինյանը կարևոր հայտարարություններ է արել Թուրքիա-Հայաստան հարաբերությունների վերաբերյալ:
Հանդիպմանը մասնակցել են Թուրքիայի հայ համայնքի հիմնադրամների և հաստատությունների ներկայացուցիչներ, Թուրքիայի հայ կաթոլիկների հոգևոր առաջնորդ Քերաբայձար Ղազանջյանը, Հայ բողոքական եկեղեցու հոգևոր հովիվ Կիրկոր Աղաբալօղլուն, Հայկական հիմնադրամների միության նախագահ Պետրոս Շիրինօղլուն, ԱԶԿ-ից Ստամբուլի խորհրդարանի անդամ Սևան Սիվաջըօղլուն և Ստամբուլի հայկական մամուլի ներկայացուցիչներ։ Հանդիպմանը ներկա է եղել նաև Ռաքել Դինքը։
Հանդիպումը տևել է մոտ երկու ժամ:
«Փաշինյանը իր ելույթը սկսեց՝ ընդգծելով, որ թե՛ այցը, թե՛ նախագահ Էրդողանի հետ իր կայանալիք հանդիպումը շատ կարևոր են։ Փաշինյանը անդրադարձավ երկու երկրների միջև ուղիղ երկկողմ բանակցությունների կարևորությանը և հիշեցրեց, որ կարգավորման գործընթացից առաջ և սկզբում բանակցություններ են անցկացվել երրորդ երկրների միջոցով։ Փաշինյանն ասաց, որ կա լավ հնարավորություն՝ գործընթացը առաջ մղելու համար։
Հայաստանի վարչապետը նաև կարևորեց նման հանդիպում անցկացնելը միջազգային իրադարձությունների համատեքստում և ասաց, որ կա հնարավորություն զարգացնելու նոր հարաբերություններ այս շրջանակում։
Փաշինյանն ասաց, որ երբ սկսվեց Թուրքիայի հետ հարաբերությունների կարգավորման գործընթացը, իրենց միջև հարց առաջացավ՝ կհաջողվի՞ այն, ապա ասաց. «Խնդիրները պետք է ճիշտ նույնականացվեն, մենք քայլ ենք արել այդ ճանապարհին. խնդիրները լուծելու ամենակարևոր միջոցը մյուս մարդուն ուղղակիորեն լսելն ու հաջողությանը հավատալն է»։
Մանրամասները՝ սկզբնաղբյուր կայքում։
