Իրանի միջուկային ծրագրի շուրջ ռազմական սրացումը սպառնում է ոչնչացնել միջուկային զենքի չտարածման համաշխարհային ռեժիմը, սակայն դեռևս կա դիվանագիտությանը վերադառնալու հնարավորություն։
Այս մասին հայտարարել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսին՝ գործակալության կառավարիչների խորհրդի արտակարգ նիստի բացման ժամանակ։
«Մենք հանդիպում ենք ԱԷՄԳ անդամ երեք երկրների մասնակցությամբ լուրջ հակամարտության պայմաններում, որի ընթացքում Իրանի միջուկային օբյեկտները հարձակման են ենթարկվում։ Այս հակամարտության լրջությունը սպառնում է կործանել միջուկային զենքի չտարածման համաշխարհային ռեժիմը, սակայն դիվանագիտական ուղին դեռևս գոյություն ունի», – իր ելույթում ասել է Գրոսսին։
