ԱՄՆ-ն իր հետախուզական ծառայությունների միջոցով Ռուսաստանին չի զգուշացրել Իրանի վրա սպասվող հարձակման մասին։ Այս մասին հայտարարել է Ռուսաստանի Դաշնության Արտաքին հետախուզության ծառայության (ԱՀԾ) ղեկավար Սերգեյ Նարիշկինը։
Նա նաև պատասխանել է հարցին, թե արդյոք ռուսական հատուկ ծառայությունները կարող էին իմանալ սպասվող հարձակման մասին իրենց սեփական հետախուզական տվյալներից։
«Ես դա չեմ ասի», – պատասխանել է ԱՀԾ ղեկավարը։
Հունիսի 23-ին Ռուսաստանի նախագահի մամուլի քարտուղար Դմիտրի Պեսկովը պարզաբանել է, որ ԱՄՆ նախագահ Դոնալդ Թրամփը չի տեղեկացրել Ռուսաստանի նախագահ Վլադիմիր Պուտինին Իրանին հարվածելու իր մտադրության մասին։
