Թուրքիայի երկինքը չի օգտագործվել Իրանի դեմ Միացյալ Նահանգների հարձակումների ժամանակ՝ հայտարարել են Թուրքիայի նախագահի գրասենյակից:
Ռեջեփ Էրդողանն էլ հայտարարել է, որ Իրանի ինքնիշխանության խախտումն ու տարածաշրջանի անվտանգության վրա հարձակումներն Անկարայի համար անընդունելի են՝ անկախ նրանից, թե որ երկիրն է դրանք իրականացնում:
Թուրքիայի ղեկավարի խոսքով՝ Անկարան հստակ արտահայտել է իր դիրքորոշումն այդ կապակցությամբ և ակտիվ ջանքեր է գործադրում՝ թույլ չտալու, որ Իսրայելի և նրա դաշնակիցների հարձակումները հարևան Իրանի վրա վերաճեն է՛լ ավելի մասշտաբային աղետի:
Ավելի վաղ թուրքական ավիաընկերությունները դադարեցրել էին բոլոր չվերթները դեպի տարածաշրջանի երկրներ: Turkish Airlines-ը հայտարարել է դեպի Բահրեյն, Դամամ, Դոհա, Դուբայ, Քուվեյթ, Աբու Դաբի և Մասկատ նախատեսված չվերթների չեղարկման մասին:
