Իսրայելը չի պատրաստվում հարձակվել Իրանի վրա։ Նման գրառում է արել ԱՄՆ նախագահ Դոնալդ Թրամփը։
«Բոլոր ինքնաթիռները կշրջվեն և կուղևորվեն տուն՝ միաժամանակ Իրանին ուղղված բարեկամական «ինքնաթիռային ալիք» անելով։ Ոչ ոք չի տուժի, հրադադարը ուժի մեջ է»,- գրել է նա։
Ավելի ուշ Թրամփը մեկ այլ գրառում է արել՝ նշելով․
«Իրանը երբեք չի վերականգնի իր միջուկային օբյեկտները»։
Նշենք նաև, որ ավելի վաղ իսրայելական լրատվամիջոցները հայտնել են, որ Թրամփը հեռախոսազրույց է ունեցել Իսրայելի վարչապետ Նեթանյահուի հետ։
Մինչ հեռախոսազրույցը Թրամփը հայտարարել էր, որ Իսրայելն ու Իրանը խախտել են հրադարդարը, ինքը դժգոհ է, հատկապես՝ Իսրայելից։
