ԱՄՆ հարվածները խորապես վնասել են Իրանի միջուկային ծրագիրը. Հեգսեթ

ԱՄՆ Պենտագոնի ղեկավար Փիթ Հեգսեթը հայտարարել է, որ ԱՄՆ-ի կողմից Իրանի միջուկային օբյեկտներին հարվածները եղել են «պատմականորեն հաջողված» և «խորապես վնասել» են Իրանի միջուկային ծրագիրը։ Հունիսի 26-ին կայացած մամուլի ասուլիսում նա ներկայացրել է գործողության մանրամասները՝ քննադատելով լրատվամիջոցներին՝ հարվածների վերաբերյալ «խեղաթյուրված» լուսաբանում իրականացնելու համար։

Հեգսեթի փոխանցմամբ՝ Իսրայելի ատոմային էներգիայի գործակալությունը հայտարարել է, որ ԱՄՆ-ի հարվածները Իրանի հարստացման օբյեկտներն իսկապես դարձրել են «անգործունակ»։ Նաև ՄԱԿ-ի միջուկային հսկողության ղեկավար Ռաֆայել Գրոսին է նշել, որ Իրանի միջուկային ծրագիրը կրել է «հսկայական վնաս»։ ԿՀՎ-ի գնահատմամբ ևս՝ Իրանի միջուկային ծրագիրը «լրջորեն տուժել է»։

Հեգսեթն ավելացրել է, որ այդ հարվածները, որոնք իրականացվել են նախագահ Դոնալդ Թրամփի ղեկավարությամբ, եղել են «պատմության մեջ ամենաբարդ ու գաղտնի ռազմական գործողությունը»։