Միլիարդատեր ձեռնարկատեր Իլոն Մասկը հայտարարել է, որ Միացյալ Նահանգներում ստեղծել է նոր քաղաքական կուսակցություն՝ «Ամերիկայի կուսակցություն»։
«Այսօր «Ամերիկայի կուսակցությունը» ստեղծվել է ազատությունը ձեզ վերադարձնելու համար», – գրել է նա X սոցիալական ցանցում։
Մասկը նշել է, որ կուսակցության ստեղծումը պայմանավորված է նրանով, որ այսօր Միացյալ Նահանգները ապրում է «սնանկության պայմաններում՝ վատնումների և կաշառակերության պատճառով, միակուսակցական համակարգում, այլ ոչ թե ժողովրդավարության պայմաններում»։
Լրատվամիջոցները գրում են, որ դեռևս պարզ չէ՝ կուսակցությունը պաշտոնապես գրանցվե՞լ է ամերիկյան ընտրական մարմինների կողմից, ո՞վ է այն ղեկավարելու և ինչպիսի՞ ձև կունենա։
