«Այս մարդականց վարքագիծը ամեն վայրկյան հաստատում է, որ իրենք իրենց իշխանությունը պահելու համար պատրաստ են բռնությունների, ցանկացած գործողությունների, միայն թե մնան աթոռներին գամված»,- ԱԺ նիստերի դահլիճում տեղի ունեցած միջադեպից հետո լրագրողներին ասաց «Հայաստան» խմբակցության պատգամավոր Արծվիկ Մինասյանը։
Լրագրողների հարցին՝ ընդդիմադիր պատգամավորը վնասվածքներ ունե՞ն, նա պատասխանեց. «Ոչինչ, դա նորմալ է, կարևորը մեր միտքը, հոգին, նպատակներն ու նվիրվածությունը մեր հայրենիքի, ժողովրդի, Արցախի հետ են, ոչ ոք չի կարողա դա վերցնել»։
Նա նշեց, որ ՊՊԾ-ն թույլատրել էր քաղաքացիական հագուստով անձանց մուտք, որոնք իրենց այլանդակ վարքագծով փորձում էին աչքի ընկնել։
«ՔՊ-ն Ազգային ժողովում ոչ միայն ջարդարարների խումբ է պահում, այն գնահատականը, որ կա՝ «շնաբարո դուսպրծուկների», այսօր ամբողջ ծավալով, ողջ կերպարով տեղի ունեցավ այստեղ։ Սա պատահական չէ»,- ասաց Մինասյանը։
