Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
«Պատասխանատու» լրատվամիջոցներից մեկը գրել է, որ երիտասարդ դատավորները «հարկադրված են կատարել Նիկոլ Փաշինյանի հրահանգները», քանի որ պաշտոնի նշանակվելուց հետո հիպոթեքային վարկով բնակարան են ձեռք բերել եւ մտահոգ են, որ «աշխատանքը կորցնելուց հետո բանկերի հետ խնդիրներ կունենան»:
Սա փաստացի վկայություն է, որ այդ դատավորները կաշառք չեն վերցնում, կոռուպցիոն սխեմաներում ներգրավված չեն, այլ անձանց անունով ձեւակերպած բիզնեսներ չունեն, ապրում են աշխատավարձով: Իսկ դա Հայաստանի դեպքում ինքնին մեծ առաջընթաց է: Ի վերջո, դա նաեւ բացառում է հրահանգավորումը, քանի որ հակառակ դեպքում հրահանգողը կփակեր հիպոթեքային վարկը:
