ԱՄՆ նախագահը հայտարարել է, որ հիասթափված է Ռուսաստանից, և խոստացել է «կարևոր հայտարարություն» անել հուլիսի 14-ին:
«Ես հիասթափված եմ Ռուսաստանից, բայց տեսնենք, թե ինչ կլինի հաջորդ մի քանի շաբաթների ընթացքում։ «Կարծում եմ՝ երկուշաբթի Ռուսաստանի վերաբերյալ կարևոր հայտարարություն կանեմ»,- ասել է ԱՄՆ նախագահը NBC News-ի հետ հարցազրույցում։ Նա հրաժարվել է մանրամասներ հաղորդել։
Թրամփը, սակայն, բացահայտել է ԱՄՆ-ի, ՆԱՏՕ-ի և Ուկրաինայի միջև ամերիկյան զենքի մատակարարման վերաբերյալ նոր համաձայնագրի մանրամասները: Այժմ Կիևի սպառազինության համար կվճարեն դաշինքի անդամները։
«Մենք զենք ենք մատակարարում ՆԱՏՕ-ին, և ՆԱՏՕ-ն 100%-ով վճարում է դրա համար։ Այսպիսով, մեր ուղարկած զենքը գնում է ՆԱՏՕ, ապա՝ Ուկրաինա»,- ասել է Թրամփը՝ հավելելով, որ այս հարցի շուրջ համաձայնություն է ձեռք բերվել հունիսին դաշինքի գագաթնաժողովում։
