«Կեղծ օգտատեր Դիանայի վարողը պետք է ենթարկվի քրեական պատասխանատվության». Արսեն Բաբայան

ԱԺ աշխատակազմի ղեկավարի նախկին տեղակալ Արսեն Բաբայանը ֆեյսբուքյան իր էջում գրել է. «Կեղծ օգտատեր Դիանայի վարողը պետք է ենթարկվի քրեական պատասխանատվության հակապետական արարքի համար:

Պատասխանատվությունը պետք է լինի համապատասխան քրեական դատավարության օրենսգրքին, այսինքն` հրապարակային դատաքննությամբ:

Արարքն ինձ համար չունի որևէ արդարացում: Որևէ կապ չունի, թե կասկածյալն ում աջակիցն է և ինչ դրդապատճառով է կատարել ստորագույն արարքը:

Այդ անձը պետք է հայտնի դառնա հանրությանը:

Հավատում եմ, որ այս փուլում կասկածյալին չբացահայտելն իրավապահ մարմինների համար ունի տակտիկական նշանակություն:

Անհրաժեշտ եմ համարում, որ իրավապաշտպան համայնքը ցուցաբերի լուրջ հետևողականություն, որպեսզի հանրությունը հնարավորինս շուտ ճանաչի իմ գնահատմամբ՝ ամենածանր հանցագործություներից մեկը կատարողին:

Ծանուցում: Այս գրառմամբ չի խախտվել որևէ մեկի անմեղության կանխավարկածն այն պարզ պատճառով, որ հանրությանն այս պահին հայտնի չէ կասկածյալի ինքնությունը»: