«Նորմալ երևույթ է ամբողջ աշխարհում. ընդունող կողմն ուզում է բուսասանիտարական ապրանքները, որոնք ներկրվում են իր երկիր, համապատասխանեն իր ստանդարտներին։ Բոլորի համար պայմանները նույնն են»,- ծաղկագործների հետ հանդիպումից հետո կայացած ասուլիսում ասաց Սննդամթերքի անվտանգության տեսչական մարմնի ղեկավար Տիգրան Պետրոսյանը։
Նա նշեց, որ հայ արտադրողները նպատակահարմար են համարում իրենց ապրանքն արտահանել Ռուսաստան, դրան են սովոր, տարիներ շարունակ հենց ռուսական շուկան են արտահանել։
«Բայց կան բազմակի խնդիրներ հիվանդությունների, վնասատուների հետ կապված, որոնք մենք քննարկեցինք արտադրողների հետ։ Բացատրել ենք, որ այսուհետև տրվելու են բուսասանիտարակ սերտեֆիկատներ ստուգում անցնելուց հետո։ Նորմալ պահանջ է, պայման է»,- ասաց Պետրոսյանը։
Հարցին՝ ծաղկագործները վարկեր են վերցրել, տուժել են, ի՞նչ պետք է անեն, Պետրոսանն ասաց. «Այս հարցը բազմիցս հնչել է արտադրողների կողմից՝ վարկ են վերցրել, պետությունն է վարկը տվել, բանկն է տվել, որ արտադրեն ապրանք, որը համապաստախանում է միջազգային շուկային։ Եթե արտադրում ենք ապրանք, որը ենթակա չէ այդ շուկա ներկրման համար, ոչ մեկ չի կարող այդ շուկային ստիպի, ասի՝ դու պետք է ընդունես հիվանդ, բռակ ապրանքը»։
