ՀՀ վարչապետ Նիկոլ Փաշինյանն անդրադարձել է ռուսաստանահայ գործարար Սամվել Կարապետյանի հայտարարություններին.
«Կարապետյանն իր հիմնական քաղաքացիության երկրում կարո՞ղ է մտքով անցկացնել իրեն պահել այնպես, ոնց փորձում է պահել Հայաստանում։
Եթե հանկարծ իր հիմնական քաղաքացիության երկրում իր գլխում նման միտք ծագի, ինքը չի թողնի, որ ուրիշները բան անեն, պատուհանից ինքնակամ կթռչի՝ հնարավորինս ամենաբարձր հարկից։ Ես ասում եմ՝ կներեք, Հայաստանը «պռախադնոյ դվո՞ռ» է»։ Ասում եմ՝ ոնց ձեր հիմնական քաղաքացիության երկրում եք ձեզ պահում, Հայաստան գալուց ևս մի հատ «հավսար-զգաստ» եղեք, արա։ Սա պետություն է, և ասել եմ՝ պետության համը մնալու է բերաններումդ։ Այսինքն, ինչ, համարում ենք, որ ինչ-որ կիսաբաց բաժնետիրական ընկերությո՞ւն է, որ մեկը որոշի մեկին ղրկել, մեկը՝ մյուսին ղրկել»։
Նրա խոսքով՝ ով փորձի Հայաստանի պետականության նկատմամբ ոտնձգություն անել, «պողպատե մանդատը կգործի»։
