Թուրքիան միջոցներ է ձեռնարկում տարածաշրջանում ցանկացած սցենարի դեպքում։
Այս մասին հայտարարել է նախագահ Ռեջեփ Թայիփ Էրդողանը՝ հինգշաբթի օրը Անկարայում կառավարության նիստից հետո կայացած ճեպազրույցի ժամանակ իր ելույթում։
Նա ուշադրություն է հրավիրել Սիրիայում տեղի ունեցող գործընթացներին՝ ընդգծելով, որ հարևան երկրի տարածքային ամբողջականության հարցը կենտրոնական տեղ է զբաղեցնում Անկարայի տարածաշրջանային քաղաքականության մեջ։
«Մենք չենք աջակցել և չենք աջակցի Սիրիայի մասնատման ծրագրերին։ Մեր սիրիացի եղբայրների հետ միասին մենք թույլ չենք տա իրադարձությունների նման զարգացում»,- վստահեցրել է նախագահը՝ հայտնելով, որ «կայուն Սիրիան կդառնա հարևան պետությունների համար կայունության աղբյուր»։
