Եթե ձախողեք, գլուխն էլ կպոկեմ. Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ բերքահավաքի գործընթացում առաջացած խնդիրների համար պետք է պատասխանատվություն կրել ոչ միայն «ականջներով», այլև «գլուխներով»։ Այս մասին նա ասել է բերքահավաքի թեմայով անցկացված խորհրդակցության ընթացքում, հաղորդում է ԲԵԼՏԱ-ն։

Նրա խոսքով՝ հացահատիկի հավաքի աշխատանքները համընկնում են գյուղատնտեսական այլ գործընթացների հետ, ինչի հետևանքով հաճախ աշխատուժի պակաս է առաջանում։

Լուկաշենկոն նշել է, որ այս խնդիրը քննարկվել է դեռ անցած տարի, և առաջարկվել է ներգրավել քաղաքաբնակներին, ովքեր ունեն համապատասխան տեխնիկայի՝ օրինակ կոմբայնի, վրա աշխատելու փորձ։

Նախագահը նաև հիշեցրել է, որ ավելի վաղ Բելառուսի ամբողջ կարտոֆիլի բերքն արդեն վաճառվել է Ռուսաստանին, իսկ գարնանային ցրտահարությունները զգալի վնաս են հասցրել ցանքերին։