Երևան քաղաքի ավագանու «Քաղաքացիական պայմանագիր» խմբակցության անդամ Քրիստինե Վարդանյանը գրել է.
Սիրելի’ ընկերներ, քանի որ երեկվանից շատ զանգեր ու նամակներ եմ ստանում, կարձագանքեմ հանրային.
Երեկ բլոգեր Ռոման Բաղդասարյանի ուղիղ եթերի ընթացքում, իր լսարանին առանց որևէ հիմնավոր փաստարկ մատուցելու, սուտ և զրպարտիչ տեղեկատվություններ են հայտնել, որի սուտ ու կեղծիք լինելը քննարկվել և հաստատվել է ՔՊԿ վերահսկող հանձնաժողովի կողմից և իրենց այս մասին տեղեկացնողը, հավանաբար, լավ չի տեղեկացրել:
Նպատակ են հետապնդել վարկաբեկել իմ բարի համբավը, պատիվն ու արժանապատվությունը՝ թիրախավորելով անգամ ընտանիքիս անդամներին, այդ թվում՝ անչափահաս երեխայիս:
Ամենայն պատասխանատվությամբ հայտարարում եմ, որ իմ և ընտանիքիս անդամների հասցեին հնչեցրած բոլոր մեղադրանքները ամբողջությամբ սուտ են և կեղծիք։ Քանի որ մենք իրավական պետություն ենք, զրպարտության, սուտ մատնության, և հանցագործության մեջ մեղադրելու դրվագներով պատրաստվում եմ դիմել դատախազություն՝ քրեաիրավական գնահատական տալու համար։
հ.գ. Ինձ մոտ այս ամբողջ պատմության մեջ, որը տևում է արդեն շուրջ մեկ ամիս, զուտ մի հարց է ծագում՝ եթե վերը նշված բոլոր դեպքերը, ըստ խոսողների, տեղի են ունեցել տարիներ շարունակ, ապա ո՞րն է պատճառը, որ այդ մասին բարձրաձայն սկսեցին խոսել «Քաղաքացիական պայմանագիր» կուսակցության վարչության ընտրություններից 2 ամիս առաջ, զուգադիպությու՞ն:
