Փոխվարչապետ Ավինյանն այցելել է առաջնագիծ

Սուրբ Ծննդյան և Աստվածահայտնության տոնի առթիվ ՀՀ փոխվարչապետ Տիգրան Ավինյանը հունվարի 6-ին չորրորդ բանակային կորպուսի հրամանատար Արտակ Բուդաղյանի և Սյունիքի մարզպետ Հունան Պողոսյանի հետ միասին այցելել է Հայաստանի հարավում տեղակայված ՀՀ Զինված ուժերի N զորամաս և առաջնագիծ։ Այս մասին տեղեկանում ենք Ավինյանի ֆեյսբուքյան պաշտոնական էջից։

Շնորհավորում եմ Հայոց բանակի սպաներին ու զինվորներին Ամանորի և Սուրբ ծննդյան տոների կապակացությամբ և ցանկանում եմ շնորհակալություն հայտնել նրանց և նրանց ընտանիքներին մեր երկրի խաղաղությունն ու անվտանգությունը պահպանելու համար,-գրել է Տիգրան Ավինյանը։