Գյումրիի համայնքապետ Վարդան Ղուկասյանն անդրադարձել է Հրապարակի երգող շատրվաններից Վարդավառի օրը «Դոլյա Վորովսկայա» երգի հնչելուն։
«Բայց ինձ ինչի են ուղղում, ես զարմանում եմ՝ քաղաքապետն ինչ գործ ունի շատրվանների երաժշտության հետ։ Ես, շտական անցնում եմ, տեսնում եմ էդ հատվածը, քաղաքը ես ոտքով պտտվում եմ, գիշեր ու ցերեկ դասական էնքան հաճելի երաժշտություն է դրված։ Հավանական է, գիտեին, որ իմ 100 օրն է, ես պետք է ասուլիս տամ, իրիկունը ման եմ եկել, չեմ լսել նման բան։ Պատկերացրեք՝ դիտավորյալ արեցին, հիմա խակեռները ինչ ասես կարան անեն, կարող են ադրբեջանական երաժշտություն էլ դնել։ Հիմա տեխնիկան այնպես է, որ ամեն ինչ կարող են անել։ Ես հիմա ցույց տամ՝ իմ գլխին ինչ են սարքել (ցույց է տալիս արհեստական բանականությամբ ստեղծված հումորային տեսանյութ,- խմբ)։
Բան ու գործ չունեն, ընկել են սենց բաների հետևից։ Երրորդ համաշխարհային պատերազմի առաջ կանգնած ենք, իրենք ընկել են «Դոլյա Վորովսկայա», չգիտեմ ինչ։ Էդ դարերն անցել են, քաղաքապետը դրա հետ կապ չունի, հետո, եթե ես քաղաքապետ եմ, էդ կյանքի հետ կապված ես ընդհանրապես կյանք չունեմ։ Ես ԱԺ պատգամավոր եմ եղել, 13 տարի քաղաքապետ եմ եղել, ինչ կապ ունեմ»,- ասել է նա։
