Եվրամիությունը ԱՄՆ-ի հետ նոր առևտրային համաձայնագրի շրջանակներում նախատեսում է օգտագործել ամերիկյան էներգառեսուրսները Ռուսաստանից էներգետիկ անկախության հասնելու համար, հայտարարել է Եվրահանձնաժողովի նախագահ Ուրսուլա ֆոն դեր Լայենը:
«ԱՄՆ էներգետիկ արտադրանքի գնումը կդիվերսիֆիկացնի մեր աղբյուրները և կնպաստի Եվրոպայի էներգետիկ անվտանգությանը։ Մենք ռուսական գազն ու նավթը կփոխարինենք ամերիկյան հեղուկ գազի, նավթի և միջուկային վառելիքի մեծ գնումներով», – ասել է նա։
Միևնույն ժամանակ Եվրահանձնաժողովի նախագահը խոստովանել է, որ ՌԴ-ից գազն ու նավթը դեռ շարունակում են մուտք գործել եվրոպական շուկա։
«Մենք ցանկանում ենք ամբողջությամբ ազատվել ռուսական հանածո վառելիքից, ուստի ողջունում ենք Միացյալ Նահանգներից ավելի մատչելի և ավելի լավ հեղուկացված բնական գազի գնումը»,- հավելել է նա։
Նրա խոսքով՝ անցումային գործընթացը կարող է տևել երկու-երեք տարի։
