Դոնալդ Թրամփը հայտարարել է, որ հիասթափված է Պուտինից և կարող է կրճատել Ուկրաինայում հակամարտության կարգավորման համար հատկացված 50-օրյա ժամկետը:
ԱՄՆ նախագահը նշել է, որ չնայած Վլադիմիր Պուտինի հետ անձնական լավ հարաբերություններին և բանակցությունների մի քանի փուլերին, երբ համաձայնագիրը մոտ է եղել, Ռուսաստանի գործողությունները խաթարել են առաջընթացը: Թրամփն ընդգծել է, որ այնպիսի քայլեր, ինչպիսիք են խաղաղ բնակիչների վրա հարձակումները, անընդունելի են: Այս կապակցությամբ նա դիտարկում է պայմանավորվածությունների ձեռքբերման համար ավելի վաղ սահմանված 50-օրյա ժամկետը կրճատելու հնարավորությունը, քանի որ կարծում է, որ արդեն հասկանում է հնարավոր ելքը:
«Ես շատ հիասթափված եմ նախագահ Պուտինից։ Հավանաբար կնվազեցնեմ տրված 50-օրյա ժամկետը, քանի որ արդեն իսկ պարզ է, թե ինչ է լինելու պատասխանը»,- հայտարարել է Թրամփը։
