Վարդան Ղուկասյանը անվերապահ եւ ամբողջական աջակցություն է հայտնում Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին և, հատկապես, կանգնում է Հայաստանյայց Առաքելական Սուրբ Եկեղեցու կողքին։ Նա նամակ է գրել Վեհափառին։
«Այսօր երեկոյան, որպես քահանա, հոգևորական և ազգայնական հայ, կրկին այցելեցի Վարդան Ղուկասյանին՝ Հենդերսոնի կենտրոնական բանտում։ Մի քանի ժամ տևած մեր անձնական հանդիպման ընթացքում ունեցանք շատ դրական և խորքային զրույցներ՝ տարբեր թեմաների շուրջ։ (Խնդրում եմ ինձ հարցեր չտալ)։
Հանդիպման կարևորագույն պահը Վարդան Ղուկասյանի կողմից արված հետևյալ հայտարարությունն էր․
Վարդան Ղուկասյանը անվերապահ եւ ամբողջական աջակցություն է հայտնում Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին և, հատկապես, կանգնում է Հայաստանյայց Առաքելական Սուրբ Եկեղեցու կողքին՝ նիկոլիզմի դեմ։
Իմ ներկայությամբ, իր ձեռքով գրված նամակը, ուղղված Վեհափառ Հայրապետին, ուղարկում ենք Սուրբ Էջմիածին։
Կրկին ընդգծում եմ, որ ես որևէ կուսակցության, քաղաքական ուժի կամ Վարդան Ղուկասյանի կողմնակիցը չեմ։ Ես ազգային ու հոգևոր ծառայող եմ, ում մտահոգում են Հայաստանը, Արցախը, մեր Եկեղեցին ու ազգի առջև ծառացած խնդիրները, և ով ձգտում է ազատել հայրենիքն ընթացիկ վտանգից։ Այն ամենը, ինչ անում եմ, գալիս է իմ հոգևոր ծառայության խոր գիտակցումից։
Հ․Գ․ Նրան հանձնեցի աղոթքներ ու գրքեր՝ մաղթելով բարօրություն, համբերություն և տոկունություն։ Նիկոլիզմը պարտվելու է»,– տեղեկացնում է արժանապատիվ Տեր Սերոբ քահանա Ազարյանը։
