Իրանում «Բուշեհր» ատոմակայանի մոտ 2 երկրաշարժ է գրանցվել՝ 4,9 և 4,5 մագնիտուդներով։ Այս մասին հայտնում է ԱՄՆ երկրաբանական ծառայությունը։ Առաջին ցնցումը տեղի է ունեցել տեղի ժամանակով 2:20-ին (Երևանի ժամանակով 6․20-ին)։ Էպիկենտրոնը գտնվել է Բորազջան քաղաքից 10 կմ հարավ-արևելք՝ մոտ 10 կմ խորության վրա։
Երկրորդ ցնցումը գրանցվել է տեղի ժամանակով 3:19-ին՝ Բորազջանից 17 կմ հարավ-արևելք։ Զոհերի և ավերածությունների մասին տեղեկություններ դեռևս չեն հաղորդվում։
