Ռումինիայում արտակարգ դրություն են հայտարարել էներգետիկ ոլորտում Ադրբեջանից աղտոտված նավթի մատակարարման պատճառով. հայտնել է Ռումինիայի էներգետիկայի նախարարությունը։
Գերատեսչությանը ադրբեջանական նավթի հետ կապված խնդիրների մասին տեղեկացրել է Ռումինիայի խոշորագույն նավթային ընկերություն OMV Petrom-ը:
Ռումինական ընկերությունը հայտնել է, որ հուլիսի 16-18-ը Ադրբեջանից ստացել է 92 հազար տոննա նավթով բեռնված նավթատար. բեռնաթափման ժամանակ պարզվել է, որ նավթը աղտոտված է օրգանական քլորիդներով:
Հավելենք՝ OMV Petrom-ը հրաժարվել է ադրբեջանական նավթի հաջորդ խմբաքանակից:
