Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ միջին և փոքր հեռահարության հրթիռների տեղակայման մորատորիումի վերացումը, որի մասին այսօր հայտարարել է Ռուսաստանի ԱԳՆ-ն, «ՆԱՏՕ-ի երկրների հակառուսական քաղաքականության հետևանքն է»։
«Սա նոր իրողություն է, որի հետ մեր բոլոր հակառակորդները ստիպված կլինեն հաշվի նստել։ Սպասեք հետագա քայլերի», – գրել է Մեդվեդևը X սոցիալական ցանցում։
Ռուսաստանը հրթիռային բազավորման ոլորտում ինքնասահմանափակումների վերացումը բացատրել է Միացյալ Նահանգների գործողություններով, որը «ակտիվորեն փորձարկում և տեղակայում է նման համալիրներ աշխարհի տարբեր տարածաշրջաններում»։
