Իսրայելական Channel 13-ը հրապարակել է գաղտնի հանդիպումների արձանագրություններ, որոնցից հետևում է, որ երկրի վարչապետ Բենիամին Նեթանյահուն մերժել է պատերազմը դադարեցնելու և պատանդներին ազատելու համապարփակ ծրագիրը՝ «խորացնելով Իսրայելի գլոբալ մեկուսացումը»:
«Իսրայելի ողջ ղեկավարությունը սխալ է հաշվարկել՝ կարծելով, որ մարդասիրական ճնշումը ՀԱՄԱՍ- ին կստիպի հանձնվել», – հաղորդում է Channel 13-ը:
Հինգ ամիս անց Իսրայելի օգնության սահմանափակումները և շարունակվող ռմբակոծությունները չեն հանգեցրել ՀԱՄԱՍ-ի վերացմանը, բայց լրջորեն խաթարել են Իսրայելի հեղինակությունը միջազգային ասպարեզում:
Առաջին հանդիպումը տեղի է ունեցել մարտի 1-ին՝ ՀԱՄԱՍ-ի կողմից չորս պատանդների մարմինները վերադարձնելուց անմիջապես հետո:
Արձանագրությունները ցույց են տալիս, որ Նեթանյահուի գլխավորած ղեկավարությունը, ի վերջո, մերժել է հետախուզության խորհուրդը՝ երկրորդ փուլի շուրջ բանակցություններ սկսելու անհրաժեշտության մասին:
Նշենք, որ իրավապաշտպան կազմակերպությունների տվյալներով՝ Գազայում նախկինի պես պահվում է առնվազն 50 պատանդ, այդ թվում՝ 20-ը, ինչպես ենթադրվում է, ողջ են:
