Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Թուրքիայի ԶՈՒ գեներալ-լեյտենանտ Բախտիյար Էրսայը Բաքու է գործուղվել, փաստացի Ադրբեջանի պաշտպանության նախարար նշանակվել 2020թ. տավուշյան մարտերից անմիջապես հետո: Այդ մարտերում սպանվել է Թուրքիայում ռազմական կրթություն ստացած գեներալ Հաշիմովը:
Օրերս Էրդողանն Էրսային գեներալ-գնդապետի կոչում է շնորհել, հայ «ամենագետները» միայն թուրքական մամուլի հրապարակումներից են իմացել, որ քառասունչորսօրյա պատերազմի ընդհանուր հրամանատարը նա է եղել եւ աջուձախ տարածում են այդ «էքսկլյուզիվ» տեղեկությունը:
Ընդ որում, այդ լուրն ավելի համառ տարածում են նրանք, որ արդեն մոտ հինգ տարի է՝ ասում են, որ «Արցախը ծախվել է»:
