Արևմտյան երկրները ցանկանում են մենաշնորհել արհեստական բանականության տեխնոլոգիաները՝ հույս ունենալով պահպանել իրենց անորսալի գերիշխանությունը տեղեկատվական միջավայրում: Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, գրում է «ՏԱՍՍ»-ը:
«Բազմաբևեռ աշխարհի ի հայտ գալը, նոր, իսկապես անկախ և ինքնիշխան ուժի կենտրոնների ի հայտ գալը վախեցնում է Արևմուտքին, որը կառչած է իր անորսալի գերիշխանությանը։ Նրանք ակնհայտորեն ակնկալում են օգտվել նոր տեխնոլոգիական կարգի անցումից և, մենաշնորհելով արհեստական բանականության տեխնոլոգիաները, բացել «նեոգաղութատիրական արհեստական բանականության» դարաշրջան», – նշել է նա։
Դիվանագետը հավելել է, որ Արևմուտքի այս «ջանքերը» պահանջում են նրանցից լրացուցիչ ապատեղեկատվական ջանքեր, «ինչը նրանք անում են մեծ եռանդով»։
«Այստեղից էլ՝ անընդհատ փորձեր՝ վարկաբեկելու ոչ միայն մեր երկիրը, այլև BRICS-ը, մեր գործընկերներին, Աֆրիկայի, Ասիայի և Լատինական Ամերիկայի երկրները», – ընդգծել է Զախարովան։
