Կարգավորման հետ կապված ցանկացած որոշում, որը կկայացվի առանց Կիևի և Եվրոպայի, վտանգավոր է. Զելենսկի

Թրամփ-Պուտին հանդիպմանն ընդառաջ Վոլոդիմիր Զելենսկին հայտարարել է, որ խաղաղության հասնելու իրական հնարավորություն կա։ Ուկրաինայի նախագահը նշել է, որ Կիևը շարունակում է գործընկերների հետ աշխատանքները և ջանքեր է գործադրում պատերազմը դադարեցնելու համար։

«Խաղաղությունը պետք է լինի արդար և կայուն, անվտանգության երաշխիքներ են անհրաժեշտ։ Դա կարևոր է ոչ միայն Ուկրաինայի, այլև ամբողջ Եվրոպայի համար»,- ընդգծել է Զելենսկին։ Նրա խոսքով՝ կարգավորման հետ կապված ցանկացած որոշում, որը կկայացվի առանց Կիևի և Եվրոպայի, վտանգավոր է:

Միևնույն ժամանակ, Ուկրաինայի նախագահը տեղեկացրել է, որ ըստ հետախուզական տվյալների՝ Ռուսաստանը չի պատրաստվում հրադադարի: «Վլադիմիր Պուտինը միայն մտադիր է Դոնալդ Թրամփի հետ հանդիպումը ներկայացնել որպես իր անձնական հաղթանակ և շարունակել ճնշումն Ուկրաինայի
վրա»,- համոզմունք է հայտնել Զելենսկին։ Նրա խոսքով՝ ռուսական ուժերը նախապատրաստվումեն նոր հարձակումների։