Կոչ եմ անում ՌԴ-ում բնակվող մեր հայրենակիցներին լինել առավել զգոն. Բաբաջանյան

«Հանուն հանրապետության» կուսակցության առաջնորդ Արման Բաբաջանյանը «Ֆեյսբուք»-ի իր էջում գրել է.

Ռուսաստանի Պետդումայի տարածաշրջանային քաղաքականության և տեղական ինքնակառավարման կոմիտեի փոխնախագահ Միխայիլ Մատվեևի հնչեցրած հայտարարությունները պարունակում են բաց և վտանգավոր ակնարկներ՝ ուղղված Ռուսաստանի տարածքում ապրող ազգային համայնքներին, այդ թվում՝ հայ համայնքին։

Կոչ եմ անում Ռուսաստանում բնակվող մեր հայրենակիցներին լինել առավել զգոն, սթափ գնահատել ստեղծված իրադրությունը և իրենց իրավունքների ու անվտանգության հարցերը լուծել հիմնվելով Հայաստանի ազգային և պետական շահի առաջնահերթության վրա։

Հայաստանը առաջնորդվելու է բացառապես իր ազգային պետական շահով, և դուք ևս, ՌԴ-ում բնակվող հայրենակիցներ, պետք է ձեր քայլերն ու որոշումները կայացնեք այդ նույն շահի գիտակցմամբ ու պաշտպանությամբ։