Ամերիկայի միացյալ նահանգները կշարունակի զենք վաճառել ՆԱՏՕ-ի երկրներին Ուկրաինայի համար, նույնիսկ եթե Ռուսաստանի հետ բանակցությունները չտան ակնկալվող արդյունքը: Այս մասին հայտնում է ՌԲԿ-Ուկրաինան՝ հղում անելով Axios-ին։
«Նույնիսկ եթե դիվանագիտական ջանքերը հաջողություն չունենան, ԱՄՆ նախագահ Դոնալդ Թրամփը կշարունակի զենք վաճառել ՆԱՏՕ-ի երկրներին Ուկրաինայի համար», – նշել է ամերիկացի պաշտոնյան:
Նա նաև ընդգծել է, որ եթե անգամ Թրամփի հռետորաբանությունը երբեմն ռուսամետ է հնչում, ապա դա միայն այն պատճառով է, որ ամերիկացի առաջնորդը հավատում է, որ նման մեսիջները կօգնեն գործարք կնքել Ռուսաստանի հետ:
«Նա մինչև հիմա զայրացած է Պուտինի վրա։ Նա իսկապես հոգնել է», – հավելել է Սպիտակ տան աղբյուրը։
Ըստ գործակալության` վերջին ամիսների ընթացքում Թրամփի վարչակազմում ընդհանուր կարծիքն այնպիսին է, որ ԱՄՆ-ն և նրան դաշնակից երկրները կարող են հաշված օրերի ընթացքում թուլացնել Ռուսաստանի տնտեսությունը:
