Սիրիան ողջունում է օգոստոսի 8-ին Հայաստանի և Ադրբեջանի միջև պատմական խաղաղության համաձայնագրի նախաստորագրումը, որը տեղի է ունեցել Ամերիկայի Միացյալ Նահանգների դրվատելի ջանքերի արդյունքում՝ հայտարարել է երկրի արտաքին գործերի նախարարությունը:
«Սիրիայի Արաբական Հանրապետությունը, դիտարկելով այս համաձայնությունը որպես կարևոր քայլ, որը կնպաստի Հարավային Կովկասում անվտանգության ու խաղաղության հաստատմանը և կամրապնդի հակամարտությունները խաղաղ ճանապարհով լուծելու սկզբունքը, շնորհավորում է համաձայնագրի երկու կողմին՝ իրենց տարաձայնությունները մի կողմ դնելու և խաղաղության հասնելու համար, որը դրական ազդեցություն կունենա երկու երկրի ժողովուրդների, ինչպես նաև տարածաշրջանային և միջազգային կայունության համար»,- ասված է հայտարարության մեջ։
