ԱՄՆ պետքարտուղար Մարկո Ռուբիոն հայտարարել է, որ Ուկրաինայի վերաբերյալ խաղաղության համաձայնագիր կնքելու համար յուրաքանչյուր կողմ պետք է և՛ ինչ-որ բան ստանա, և՛ ինչ-որ բան զիջի։
Հենց այդ պատճառով, ըստ նրա, Վլադիմիր Զելենսկին վաղը կայցելի Միացյալ Նահանգներ։
Միևնույն ժամանակ, ԱՄՆ նախագահի հատուկ դեսպանորդ Սթիվ Ուիտկոֆը CNN-ին ասել է.
— ԱՄՆ-ն և Ռուսաստանը համաձայնության են եկել Ուկրաինայի անվտանգության երաշխիքների շուրջ, բայց հիմա ամեն ինչ կախված է Կիևից։
— Ռուսաստանի զիջումներն այն են, որ «չգրավվի ամբողջ Ուկրաինան»։ Խոսքը Ուկրաինայի հինգ շրջանների մասին է։
— Վաշինգտոնը մտադիր է Զելենսկու հետ հանդիպման ժամանակ քննարկել Ռուսաստանի և Ուկրաինայի միջև տարածքների փոխանակման հարցը։
— Հուսով եմ, որ Վաշինգտոնին կհաջողվի կազմակերպել Ռուսաստանի, ԱՄՆ-ի և Ուկրաինայի միջև եռակողմ հանդիպում։
