Հայաստանի իշխանությունները պետք է հրապարակեն և հանրությանը մանրամասն ներկայացնեն Վաշինգտոնի փաստաթղթերը։ Այս մասին հայտարարել է Մեծի Տանն Կիլիկիո Կաթողիկոս Արամ Ա-ն։
Երևանի և Բաքվի միջև համաձայնագրի հնարավոր հետևանքները պետք է գնահատեն քաղաքական գործիչներն ու վերլուծաբանները, ասել է Արամ Առաջինը Աստվածածնի Վերափոխման տոնի առթիվ մատուցված պատարագից հետո:
«Ակնհայտ է, որ միակողմանի զիջումների վրա հիմնված ցանկացած փաստաթուղթ կարող է լուրջ սպառնալիք դառնալ:
Սա երկրի ապագայի վերաբերյալ համաձայնագիր է, հետևաբար, ժողովուրդը նույնպես պետք է արտահայտի իր կարծիքը: Հայաստանը կարող է դառնալ աշխարհաքաղաքական ուժերի բախման ասպարեզ: Նրանցից մեկի հաղթանակը կարող է օգտակար լինել Երևանի համար, բայց երկրորդի պարտությունը կհանգեցնի լուրջ խնդիրների»:
Արամ Առաջինը դատապարտել է Հայաստանի ներսում ձերբակալություններն ու քրեական հետապնդումները, ինչպես նաև կոչ է արել պետությանը ուշադրություն դարձնել Ադրբեջանի հայատյաց քաղաքականությանը և չմոռանալ Արցախը:
