«Քրեկան հետապնդումը դադարեցնելու միջնորդությունը քննելու փուլում ենք»,-սկսելով Միքայել արքեպիսկոպոս Աջապահյանի գործով դատական նիստը հայտարարեց Երևանի ընդհանուր իրավասության առաջին ատյանի քրեական դատարնի դատավոր Արմինե Մելիքսեթյանը։
Պաշտպան Երեմ Սարգսյանը ձայնի իրավունք խնդրեց և հայտարարեց, որ պաշտպանական կողմը բացարկ է հայտնում դատավորին և մինչ բացարկի տեքստը կարդալը խնդրեց դատավորին պատասխանել իր հարցերին, որպեսզի հիմնավորի բացարկի փաստարկները։
Արմինե Մելիքսեթյանը հայտարարեց, որ չունի պարտավորություն պատասխանել հարցերին։
Դրանից հետո փաստաբան Երեմ Սարգսյանը հայտարարեց, որ դատավորը անաչառ չի մոտենում Սրբազանի դատաքննությանը և տպավորություն կա, որ նրան հատուկ են ընտրել՝ Միքայել Աջապահյանին անազատության մեջ պահելու համար։
Փաստաբանը շեշտեց, որ դատավորը լինելով պրոֆեսիոնալ, չէր կարող պատահականորեն, կամ չիմացությամբ այնպիսի դատավարական սխալներ թույլ տալ, որոնք արձանագրվում է գործի քննության ժամանակ։
