Արցախի ԱԺ նախկին պատգամավոր, քաղաքական վերլուծաբան Վահրամ Աթանեսյանը «Ֆեյսբուքի» իր էջում գրել է.
Պաշտպանության նախկին փոխնախարար Արտակ Զաքարյանն ասում է, որ Հայաստանի եւ Ադրբեջանի ռազմական բյուջեների տարբերությունը նշանակություն չուներ: Ամեն ինչ թողնենք մի կողմ: Ադրբեջանի հատուկ նշանակության զորախմբի բոլոր զինվորները ձեռքի տակ ունեցել են տեղանքի էլեկտրոնային քարտեզ, որ մուտքագրված էր պլանշետում եւ ցույց էր տալիս ամենավերջին անտառային կածանը:
Youtube-ում տեսանյութ կա, որտեղ ՊԲ ամենաէլիտար համարված զորամիավորման՝ «Ցորի» տանկային գումարտակի հրամանատարն ասում է, որ Լելեթեփեի օպերացիային չի հասցրել մասնակցել, քանի որ ոչ քարտեզ է ունեցել, ոչ՝ ռադիոկապ, բջջայինը չի գործել, չի եղել նաեւ ուղեկցող, որ իրեն ցույց կտար, թե որտեղ պիտի հասնի, որտեղից պիտի գրոհի հակառակորդի դիրքերը: Սա ի՞նչ է նշանակում: Միայն մի բան. ՊԲ կոնկրետ այդ տանկային գումարտակի կապի միջոցներն ավելի հին էին, քան խորհրդային տանկիստներն ունեցել են ֆաշիզմի դեմ պատերազմում:
