Ռուսաստանը չի հրաժարվում ուկրաինական կարգավորման վերաբերյալ որևէ ձևաչափի աշխատանքից՝ ո՛չ երկկողմ, ո՛չ եռակողմ,- ասել է Լավրովը՝ «Ռոսիա 24» հեռուստաալիքին տված հարցազրույցում։
Միևնույն ժամանակ նա ընդգծել է, որ բարձրաստիճան պաշտոնյաների մասնակցությամբ ցանկացած շփում պետք է նախապատրաստվի առավելագույն զգուշությամբ։
Բացի այդ, արտաքին գործերի նախարարը հավելել է, որ առանց Ռուսաստանի անվտանգության և Ուկրաինայում ռուսների լիարժեք իրավունքների հարգման՝ երկարաժամկետ համաձայնագրերի մասին խոսք լինել չի կարող։
«Եթե Զելենսկին հոգ է տանում Ուկրաինայի սահմանադրության մասին, ապա պետք է սկսել առաջին հոդվածներից, որոնք երաշխավորում են ռուսախոս բնակչության իրավունքները»,- ասել է Լավրովը։
