Ալյասկայում կայացած առաջին հանդիպման ժամանակ ռուսները գրեթե անմիջապես զիջումների գնացին: Այս մասին հայտարարել է ԱՄՆ նախագահի հատուկ բանագնաց Սթիվ Ուիթքոֆֆը Fox News-ին տված հարցազրույցում:
«Ալյասկայում կայացած առաջին հանդիպման ժամանակ ռուսները գրեթե անմիջապես զիջումների գնացին։ Այս զիջումները մասամբ օգնեցին մեզ հասկանալ՝ արդյոք ռուսները պատրաստ են ավելի զիջողական լինել»,- ասել է նա։
Ուիթքոֆֆը հավելել է, որ Անքորիջում կայացած հանդիպման ժամանակ Թրամփը և նրա թիմը կենտրոնացած էին երկարաժամկետ խաղաղության համաձայնագրի, այլ ոչ թե ժամանակավոր հրադադարի վրա:
«Մենք այնտեղ մնացինք բավականին երկար ժամանակ, քանի որ իսկապես առաջընթաց գրանցեցինք այն հարցում, թե ինչպես կարող ենք հասնել խաղաղության համաձայնագրի։ Ալյասկայում այս հանդիպման ժամանակ նախագահը հասկացավ, որ մենք շատ նախադրյալներ ունենք խաղաղության համաձայնագրի համար, ուստի ինչու ընդհանրապես խաղաղության պայմանագիր չկնքել»,- հավելել է նա։
