«Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը շնորհավորել է Ամենայն Հայոց Կաթողիկոսին տարեդարձի առթիվ՝ նրան մաղթելով քաջ առողջություն, երկար տարիների գահակալություն.
«Վեհափառ Տեր, որդիական խոնարհությամբ շնորհավորում եմ Ձերդ Սրբության ծննդյան տարեդարձը։ Աղոթում եմ ամենակալ Տիրոջը պահապան և զորակից լինել Ձեզ։ Մաղթում եմ քաջառողություն, ամուր կամք, հոգու արիություն և երկար տարիների պայծառ ու արդյունաշատ գահակալություն՝ ի շահ աստվածասեր մեր ժողովրդի և խնկաբույր Հայրենիքի։
«Ամեն հայի սրտից բխած,
Լսիր այս ձայն, ո՜վ Աստված.
Երկար կյանք տուր Հայրապետին,
Երկար օրեր Հայոց Հոր.
Տեր, անսասան պահիր դու միշտ
Քո իսկ հիմնած Մայր Աթոռ»:
