Ռուսաստանը և Ուկրաինան շարունակում են փոխադարձ հարվածները: Ռուսաստանի պաշտպանության նախարարությունը հայտնել է գիշերը երկրի տարբեր հատվածներում մոտ 50 ուկրաինական անօդաչու խոցելու մասին:
Ռոստովի մարզի արդյունաբերական ձեռնարկություններից մեկում հրդեհ է բռնկվել: Վորոնեժի մարզում վնասվել է էներգետիկ օբյեկտ, մի քանի բնակավայր մնացել է առանց էլեկտրականության, ժամանակավորապես խաթարվել է երկաթուղային հաղորդակցությունը: Վոլգոգրադի, Կալուգայի և Սարատովի օդանավակայաններում թռիչքների ժամանակավոր սահմանափակումներ են մտցվել:
Իսկ Ռուսաստանը զանգվածային հարվածներ է հասցրել Կիևին, Լվովին, Լուցկին և Մուկաչևոյին: Լվովում 1 մարդ է զոհվել, 2-ը՝ վիրավորվել: Վնասվել են տասնյակ բնակելի տներ: Կիևի բնակիչներն ապաստանել են մետրոյի կայարաններում:
