Դատավոր Կ. Ֆարխոյանը որոշեց առանց պաշտպանների քննել մեղադրյալների նկատմամբ խափանման միջոց կալանքը երկարացնելու հարցը։ Ընդմիջումից հետո ելույթ ունեցավ Բագրատ արքեպիսկոպոս Գալստանյանը, ասաց, թիվ մեկ ահաբեկիչը մտել է մարդկանց տուն, տեղ, ընտանիք, քանդել է շիրիմներ, սրբավայրեր։
«Այդ պատճառով ենք մենք այստեղ, որ չենք հանդուրժելու հայրենահանձնումը, իմ կեսագրության գողությունը, իմ պատվի գողությունը։ Այդպես է սկսել այս պայքարը։ Եթե մենք ուզենայինք բռնության, ահաբեկչության դիմել, լավագույն օրերը դիմացներս էին՝ մայիսի 9-ը, մայիսի 26-ին, հունիսի 12-ին ռմբահարվել է այս ժողովուրդը, ձեռք կորցրել։ Եվ այդքանից հետո դուք ուզո՞ւմ եք մենք ձեռքներս ծալած նստե՞նք, որևէ ձևով խաղաղ անհնազանդության ակցիաներ չանե՞նք»,-ասաց Սրբազանը։
Նա նշեց, որ այս գործը փորձել են կապել ազգային մեծ բարերար Սամվել Կարապետյանի հետ, ում հետ հիմա հիմնարկակից են, բայց երբևէ նրան չի տեսել, ապա նաև եկեղեցու վրա հարձակման հետ։
«Իմիջիայլոց, էնքան էս գործի տակ ոչ մի բան չկա, որ ձանագրել են իմ և Միքայել Սրբազանի խոսակցությունը, երկու եղբոր խոսակցություն, միգուցե նաև անձնական կյանքի խոստովանություն, ու բերել կցել են էս գործի նյութերին, ըստ մեր տեղեկությունների։ Այ սա է որակը ձեր, ես խղճում եմ ձեզ եղկ ու մեղկ, նենգ։ Կարող էր լինել անձնական խոսակցություն, դուք դա էլ եք անցել, քանի որ ձեզ համար պաշտոն, տուն պահելն ավելի թանկ է, քան պատիվ ու կենսագրություն։ Ասեմ, այս գործը ոչ մի կապ չունի ոչ Սամվել կարապետյանի, ոչ էլ Միքայել Սրբազանի հետ, թեպետ շատ լավ կլիներ, որ կապ ունենար»,-ասաց նա։
