Իրանը հույս ունի, որ մոտ ժամանակներս կհաջողվի ռուսական գազի մատակարարումներն Ադրբեջանի տարածքով սկսել, «Գազպրոմի» հետ գրեթե բոլոր հարցերն արդեն լուծված են: Այս մասին ՏԱՍՍ-ին տված հարցազրույցում հայտարարել է Ռուսաստանում երկրի դեսպան Քազեմ Ջալալին։
«Մենք հույս ունենք, որ դա կստացվի մոտ ժամանակներս։ Մենք հիմա բանակցություններ ենք վարում «Գազպրոմի» հետ, գրեթե բոլոր հարցերն արդեն լուծված են։ Բայց պետք է ընդհանուր լեզու գտնել գնի վերաբերյալ։ Եթե այդ հարցն էլ լուծվի, ապա ամեն ինչ գործարկվելու է», – նշել է նա։
Ավելի վաղ ՌԴ էներգետիկայի նախարար Սերգեյ Ցիվիլևը հայտարարել էր, որ գոյություն ունեցող ենթակառուցվածքներով ռուսական գազի առաջին մատակարարումներն Ադրբեջանի տարածքով կսկսվեն արդեն 2025 թվականին, ծավալը կկազմի տարեկան մինչև 1,8 մլրդ խմ:
