«Հայաստանում քաղաքական հետպադնումները չեն շրջանցել և չեն շրջանցելու ոչ մեկին, ամենաաբսուրդ բաները մենք դեռ կտեսնենք, եթե այս մարը մնաց իշխանության»,- Երևան քաղաքի առաջին ատյանի ընդհանուր իրավասության քրեական դատարանի Ավան նստավայրում Շիրակի թեմի առաջնորդ Միքայել Սրբազանի հետ կապված քրեական գործով դատական նիստից առաջ լրագրողների հետ զրույցում ասաց ՀՀԿ փոխնախագահ Արմեն Աշոտյանը։
Նա ընդգծեց, որ Նիկոլ Փաշինյանն իշխանության մնալու համար ոչ միայն մարդկանց է ճնշում, լռեցնելու փորձ անում, այլ նաև հայրենիք վաճառում։
Աշոտյանի խոսքով, եթե իրեն չեն կարողացրել լռեցնել բանտախցում, վստահ է՝ սրբազաններին, մյուսներին նույնպես չեն կարողանալու լռեցնել։
«Փաշինյանը տաղանդավոր է՝ չար հանճար է։ Երբեք չէր կարելի թերագնահատել իրեն։ Ցավում եմ, որ այս ընդդիմությունն այս դասը լավ չի սերտել մեծամասամբ 2018 թվալանից հետո, թերագնահատել Նիկոլ Փաշինյանին, չի կարելի»,- ասաց Ա. Աշոտյանը։
