Այս պահին Ռուսաստանի և Ուկրաինայի նախագահներ Վլադիմիր Պուտինի և Վոլոդիմիր Զելենսկու հանդիպում նախատեսված չէ, բայց դա կարող է տեղի ունենալ, երբ պատրաստ լինի նրանց գագաթնաժողովի օրակարգը, պարզաբանել է ՌԴ ԱԳ նախարար Սերգեյ Լավրովը NBC News-ին տված հարցազրույցում։
Նա նշել է՝ այսօր այդ օրակարգը «ընդհանրապես պատրաստ չէ»։ ԱԳՆ ղեկավարը նաև նշել է՝ ուկրաինական կողմը մինչև հիմա չի պատասխանում երեք աշխատանքային խմբերի ստեղծման առաջարկներին, այդ թվում՝ քաղաքական հարցերի շուրջ, որոնք ներկայացվել են Ստամբուլում ՌԴ-ի և Ուկրաինայի բանակցություններում:
«Իսկ երբ Զելենսկին հայտարարում է, որ առաջնահերթ խնդիրը Պուտինի հետ հանդիպումն է, դա, ըստ էության, խաղ է։ Խաղ, որը նա շատ լավ է խաղում, քանի որ սիրում է թատերականություն այն ամենի մեջ, ինչ անում է: Հանդիպել, որպեսզի Զելենսկին ևս մեկ հնարավորություն ունենա լինել ուշադրության կենտրոնում, Մենք նպատակահարմար չենք համարում», – պարզաբանել Է Լավրովը։
