Կարմիր խաչի միջազգային կոմիտեի (ԿԽՄԿ) գրասենյակը շուտով կդադարեցնի իր գործունեությունն Ադրբեջանում, հայտարարել է Կազմակերպության հասարակայնության հետ կապերի մասնագետ Աուրելիա Լաչանտը։
Ըստ նրա՝ ԿԽՄԿ-ն ներկայում երկխոսություն է վարում ադրբեջանական կողմի հետ միջազգային մարդասիրական իրավունքով պաշտպանված անձանց վերաբերյալ իր ապագա գործունեության շուրջ։ Քննարկումների մանրամասները չեն մեկնաբանվել։
Ավելի վաղ Ադրբեջանում ԿԽՄԿ-ի գրասենյակի ղեկավար Դրագանա Կոյիչն Ադրբեջանի արտգործնախարար Ջեյհուն Բայրամովի հետ ընդունելության ժամանակ հայտարարել էր, որ կազմակերպությունը սեպտեմբերի սկզբին կդադարեցնի իր գործունեությունը երկրում։
