ԱԺ նախկին պատգամավոր Գևորգ Պետրոսյանը լիահույս է, որ առաջիկա կայանալիք ավագանու ընտրություններում ձայն չեն տա եկեղեցու դեմ պայքարող «Քաղաքացիական պայմանագիր» կուսակցությանը։
«Լիահույս եմ, որ նոյեմբերին կայանալիք Էջմիածին խոշորացված համայնքի ավագանու ընտրություններում Հայաստանի հոգևոր կենտրոնի բնակիչները ձայն չեն տա Հայ Առաքելական Սուրբ Եկեղեցու դեմ անխնա պայքարող ՔՊ-ին…»:
Հիշեցնենք, որ Վաղարշապատում նոյեմբերի 16-ին ՏԻՄ ընտրություններ են նշանակված։ Իշխանության թեկնածուն Արմավիրի մարզպետ, Խոյի նախկին համայնքապետ Արգիշտի Մեխակյանն է, որը հուլիսի 15-ին նշանակվել է Վաղարշապատի համայնքապետի ԺՊ:
