«Դուրս կգամ, կասեմ»,- դատական նիստից առաջ նիստերի դահիճում ասաց Միքայել Սրբազանը՝ պատասխանելով լրագրողի հարցին Նիկոլ Փաշինյանի այսօրվա հայտարարության վերաբերյալ՝ կապված Ամենայն Հայոց Կաթողիկոս Գարեգին Երկրորդին վեհարանից հեռանելու մասին։
Հիշեցնենք, որ Երևան քաղաքի առաջին ատյանի ընդհանուր իրավասության քրեական դատարանի Ավան նստավայրում, դատավոր Արմինե Մելիքսեթյանի նախագահությամբ, շարունակվում է Շիրակի թեմի առաջնորդ Միքայել Սրբազանի հետ կապված քրեական գործով դատական նիստը։
Շիրակի թեմի առաջնորդ Միքայել արքեպիսկոպոս Աջապահյանը հունիսի 28-ին կալանավորվել է երկու ամսով։ Սակայն դատավոր Արմինե Մելիքսեթյանի որոշմամբ, կալանքի ժամկետը երկարաձգվել է 10 օրով։
Միքայել Սրբազանի նկատմամբ հարուցվել է հանրային քրեական հետապնդում՝ Քրեական օրենսգրքի 422-րդ հոդվածի 2-րդ մասով (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը):
