Թուրքիան պատրաստ է միջնորդի դեր ստանձնել․ Էրդողան

Թուրքիայի նախագահ Ռեջեփ Թայիփ Էրդողանը հեռախոսազրույցներ է ունեցել ուկրաինացի գործընկեր Վոլոդիմիր Զելենսկու հետ և նրան տեղեկացրել Մոսկվայի և Կիևի բարձր մակարդակի շփումներին աջակցելու Անկարայի պատրաստակամության մասին, փոխանցում է Hürriyet-ը։

Քաղաքական գործիչները քննարկել են թուրք-ուկրաինական հարաբերությունները, ռուս-ուկրաինական հակամարտությունը, ինչպես նաև տարածաշրջանային և գլոբալ հարցեր:

Էրդողանը նաև հայտարարել է՝ Անկարան ուշադիր հետևել է Ալյասկայում և Վաշինգտոնում տեղի ունեցող զարգացումներին, շարունակում է կայուն խաղաղության հասնելու ջանքերը և դրան հասնելուց հետո կաջակցի Ուկրաինայի անվտանգությանը: